Ólafur fær 32% en Guðni 27%, ef nefna má hvern sem er

Fréttir

Stjórnmál

Kannanir

Ólafur fær 32% en Guðni 27%, ef nefna má hvern sem er

Mynd: Páll Stefánsson

Frjáls verslun kannaði dagana 26. apríl til 1. maí fylgi hugsanlegra frambjóðenda til forseta. Meðal annars var spurt hvern þátttakendur vildu sem forseta ef þeir mættu nefna hvaða Íslending sem vera skal.

Alls tóku 74% þátttakenda afstöðu til spurningarinnar. Um 59% þeirra sem afstöðu tóku nefndu þá tvo frambjóðendur sem mest fylgi fengu, Ólaf Ragnar Grímsson og Guðna Th. Jóhannesson.

Ólafur Ragnar var nefndur af 32% og Guðni Th. af 27%. Óvissa (95%) er +/-5%. Munurinn er því marktækur.

Aðrir sem nefndir voru fengu innan við 10% meðal þeirra sem afstöðu tóku. Fylgi þeirra skiptist sem hér segir:

Katrín Jakobsdóttir 8%,

Andri Snær Magnason 6%,

Berglind Ásgeirsdóttir, Davíð Oddsson og Þóra Arnórsdóttir 2% hvert,

Einar Kristinn Guðfinnsson og Halla Tómasdóttir 1% hvort.

Minna en 1% (í stafrófsröð):

Ari Trausti Guðmundsson, Arnþór Henrysson, Ásta Dís Óladóttir, Ástþór Magnússon, Baldur Þórhallsson, Bergþór Pálsson, Björg Thorarensen, Björk Guðmundsdóttir, Bogi Ágústsson, Bæring Ólafsson, Egill Einarsson (Gillz), Eiríkur Bergmann, Guðfinna Bjarnadóttir, Guðni Ágústsson, Guðrún Nordal, Hjálmar Jónsson, Hörður Finnbogason, Jón Gnarr, Jón Steinar Gunnlaugsson, Kári Stefánsson, Kristín Ingólfsdóttir, Kristín Vala Ragnarsdóttir, Lilja Mósesdóttir, Linda Pétursdóttir, Magnús Ingi (Texas-Maggi), Máni í Harmageddon, Ólafur Jóhann Ólafsson, Ólafur Stefánsson, Ómar Ragnarsson, Páll Óskar Hjálmtýsson, Ragna Árnadóttir, Sigrún Stefánsdóttir, Steinunn Ólína Þorsteinsdóttir, Sturla Jónsson, Vigfús Bjarni Alfreðsson, Þorgerður Katrín Gunnarsdóttir, Þorgrímur Þráinsson, Þorsteinn Pálsson, Þórarinn Eldjárn, Össur Skarphéðinsson,

Alls náðist til 445 einstaklinga í könnuninni.

Einnig var spurt hvorn svarendur vildu ef valið stæði milli Guðna Th. Jóhannessonar og Ólafs Ragnars sem og hvernig svör skiptust ef valið væri milli þeirra tveggja og Andra Snæs Magnasonar. Niðurstöður úr þeim spurningum verða birtar nú fyrir hádegið hér á vefsvæðinu www.heimur.is. Þar verða svörin einnig greind eftir kyni, búsetu, stjórnmálaskoðunum og aldri. 

Tags

More News