leita

ELDRI PISTLAR

11. desember | Upplifun í Salnum (BJ)
Ég fór á tónleika á föstudags- kvöld og á erfitt með að lýsa upplifuninni án þess að verða væminn. Ég fór á tónleika söngkonunnar Inese Galante í Salnum. Þarna var á ferðinni einhver besta sópran söngkona samtímans og hún söng hverja söngperluna á fætur annarri. Jónas Ingimundarson lék undir

Ég hef alltaf öfundað fólk sem hælir sér af því að gera hagstæð matarinnkaup. Samt veitir það sér meira en skyr og velling. Ég læt hins vegar alltaf blekkjast. Gott tilboð í Bónusi og Nóatúni þýðir einfaldlega að ég raða bara meiru í kerruna. En lausnin er í sjónmáli;

SDG: Velkomin aftur, hingað er kominn Gísli Marteinn Baldursson Heimdellingur. Vertu velkominn. GMB: Takk. SDG: Þú gerir þér grein fyrir reglunum Gísli. Þú mátt bara spyrja kurteislegra spurninga af listanum sem ég sendi þér áður en ég kom í viðtalið. Svo áttu að kinka brosandi kolli


PISTLAR

12/02/2007 | 00:24

You don’t need Love (BJ)

Stundum er ég áhrifagjarn fram úr hófi. Það þykir víst ekki kostur að vera allt of þrjóskur en ég held að það sé stundum best. Ég var búinn að ákveða að kaupa ekki „nýju“ bítlaplötuna Love. Þar hefur sonur Georgs Martins tekið góðu gömlu lögin og blandað þeim saman. Fyrir fimmtán árum voru 30 bítlalög sett saman í eina syrpu sem tók þrjár mínútur. Það var óskemmtilegur samsetningur og hætti sem betur fer fljótlega að heyrast. Þanning að ég var staðráðinn í að láta ekki glepjast af þessum hræringi. Svo sögðu einhverjir bítlasérfræðingar mér að þeir hefðu gaman af þessum nýja diski. Þanning að ég sló til og fjárfesti í diskinum.

Þessi sonur Georgs Martins, Giles að nafni, hefur ekkert unnið sér til frægðar svo að ég viti. Líklegast þykir mér að hann sé miðaldra fyllibytta og hafi vantað pening. Paul vantar líka aura til þess að borga einfættu konunni. Þess vegna var þessi plata búin til. Gamli maðurinn segist svo hafa verið með syninum með skærin. Það er gaman að föndra með börnunum.

Niðurstaðan er í besta falli að maður hefur gaman af gömlu lögunum þegar þau eru nokkurn veginn eins og þau voru. Svo fara þau að blandast út í eitthvað annað og ég verð hálfleiður. Bítlarnir gerðu reyndar svolítið af svona gríni. Til dæmis með því að syngja ,,She loves you" á All you nee is love. Svo söng Lennon um „the Walrus and me“ í Glass Onion. En þetta var þeirra prívat grín. Ekki einhver Giles fyllibytta að blanda saman Drive my Car, The Word og What you’re doing. Eða spila Sun King afturábak. Þetta gerðu menn í hassvímu fyrir 35 árum. Ég reykti reyndar ekki hass og er að heyra þetta í fyrsta sinn. Líklega þarf maður að vera í vímu til þess að fíla þetta. Svo heyrði ég ekkert um að Paul væri dauður eins og menn sögðust hafa greint á sínum tíma. Í gamla daga var sagt að nemendur væru í vímu á Íþökulofti. Ég held reyndar að það hafi verið vitleysa, en hvert fer maður núna, ef ég vil ná þessu?

George Martin sagði frá því að á laginu Being for the Benefit of Mister Kite (sem er á diskinum) hefði Lennon viljað hafa sirkusorgel. Það fannst ekki og það eina sem fannst á plötu spilað með slíku orgeli voru einhverjir hermarsar. Til þess að fá fílinginn tók Martin marsana upp á segulband, klippti það í búta og límdi svo saman í einhverri röð og fékk þannig þessa  draugalega stemmningu sem er á Sgt. Peppers plötunni. Eitt best heppnaða lag Bítlanna. En nú er þessu smellt saman við Helter Skelter með nokkrum nótum úr I want you (she’s so heavy). Er ekki í lagi með þig Giles?.

Myndin hér við hliðina á er platatið sem Lennon orti textann upp úr. Með því að smella á það er hægt að lesa sumt af því sem á því stendur.

Það er mjög erfitt að gera leiðinlega samsetningu úr bítlalögunum en ég ráðlegg mönnum að leggja ekki neitt á sig til þess að fá sér þennan disk. Þeim sem vilja styðja miðaldra drykkjumenn eða öryrkja er bent á SÁÁ og Sjálfsbjörgu.

Menn þrá að heyra eitthvað nýtt með þessum snillingum, en hér hefði verið vænlegra að reyna að ná sambandi við þá Lennon og Harrison með aðstoð Hafsteins heitins miðils.

Benedikt Jóhannesson

Sjá einnig hér. (Frá 10.11. 2003)

Share




© Allur rettur askilinn heimur.is (Heimur hf)
Heimur hf. Borgartúni 23 105 Reykjavik S. 512 7575 Fax. 561 8646 heimur@heimur.is