leita

ELDRI PISTLAR

ÉG VERÐ MJÖG SJÁLFLÆGUR í þetta skipti – aldrei þessu vant. Það er enda ástæða til. Frjáls verslun fékk sérstaka fjölmiðlaviðurkenningu Jafnréttisráðs við hátíðlega athöfn á Hótel Sögu í gær. Þetta er mikill heiður fyrir blaðið og þökkum við öll sem stöndum að blaðinu fyrir okkur. Þessi viðurkenning er

Það er athyglisvert að í fyrstu ræðu sinni sem forsætisráðherraefni Samfylkingarinnar sáir Ingibjörg Sólrún fræjum tortryggni um vinnubrögð skattrannsóknarstjóra og efnahagsbrotadeildar ríkislögreglustjóra. Þeir séu í raun aðeins útsendarar Davíðs Oddssonar. Þar með samtvinnar hún trúverðugleika sinn niðurstöðu þessara rannsókna. Þó virðist Ingibjörg stundum segja Davíð, en meina Össur. Ræða

Við elskum eftirlit. Ef við ökum of hratt þá hallmælum við eftirliti löggunnar, annars finnst okkur eftirlit hennar vera nauðsynlegt; sérstaklega hafi hún eftirlit með öðrum. Þessa vikuna hefur allt snúist um eftirlit. Evrópa er undir eftirliti, gömlu víkingarnir, bankarnir, lífeyrissjóðirnir, Hinn sérstaki og svo er Fjármálaeftirlitið


PISTLAR

07/05/2007 | 20:42

Gloríur blaðamanna (BJ)

Blaðamenn eru í miklu stuði þessa dagana. Þegar Birgir Leifur Hafþórsson kylfingur átti eftir síðasta daginn á golfmóti sagði fréttamaður Stöðvar 2: „Nú vonum við að Birgir Leifur geri gloríur í dag.“ Honum varð að ósk sinni og Birgir Leifur átti tvo „skolla“ í lokin og endaði í verri stöðu en hann byrjaði.

Í Fréttablaðinu er sagt frá því að Sarkozy hafi fengið 57% atkvæða og hafi unnið með 6% mun. Fékk Royal þá 51%?

Sérfræðingur Samfylkingarinnar í kosningum, Eiríkur Bergmann telur að merkustu tíðindin af forsetakosningunum nú séu góð þátttaka? Maður sér fyrir sér fólk vera að ræða um kosningarnar eftir aldarfjórðung: „Það var einmitt árið 2007 sem kosningaþátttakan var svo góð, en ég man ekki hver var kosinn forseti.“

Á sunnudaginn þegar vika er til kosninga er fimm dálka fyrirsögn á forsíðu Morgunblaðsins: „Plötusala hefur aukist verulega á Íslandi“. Um fátt var rætt meira en þetta á heimilum landsins um helgina. „Veruleg aukning á plötusölu“ er tvímælalaust stærsta fréttin síðan myndirnar af hæstaréttardómurunum birtust.

Þeirri skoðun hefur áður verið lýst á þessum slóðum að Gestur Jónsson hafi náð að auka virðingu sína á Baugsmálinu, einn manna. Um daginn veltu samt margir því fyrir sér hvað hann væri að fara þegar hann tók það sérstaklega fram að Jón Ásgeir hefði margt manna í vinnu í Bretlandi. Hvað kom það þessu máli við? Skiptir nokkuð annað máli en sekt eða sakleysi, ekki hvað menn gera eða hve margir vinna hjá þeim.

Ég sá í návígi fyrstu viðbrögð þriggja einstaklinga við Baugsdómnum í síðustu viku. Hægt var að lesa stjórnmálaskoðanir þeirra út úr svipnum á þeim þegar þeir sáu niðurstöðuna. Það er dapurlegt því að pólitík á ekki að skipta neinu máli í réttarkerfinu.

Þjóðin beið spennt eftir því hvernig blöðin myndu segja frá Baugsdómnum. Og þau brugðust ekki. Mogginn sagði frá því að menn hefðu verið sakfelldir en Fréttablaðið frá því að dómnum yrði áfrýjað. Fréttamennska alveg óháð tengingu blaðanna við fréttina.

Kannski kemur það ekki mest á óvart hvernig sagt er frá því sem fjölmiðlar setja fram heldur að í þessum fréttaannál síðustu daga er engin frétt um kosningarnar sem verða á Íslandi eftir fimm daga. Blaðamenn hafa meiri áhuga á því að gera gloríur en að fjalla um það sem mestu máli skiptir.

Verst að þeir vita ekki hvað það þýðir.

Benedikt Jóhannesson

PS mbl.is lætur ekki sitt eftir liggja. Í grein um hljómsveitina Dimmu Borgir 7.5. segir: ,,Bassaleikarinn Vortex er spurður að því hvort sveitinni langi til að spila á einhverjum stað sem hún hafi ekki komið til. „Já, á Íslandi," svarar hann.''

Ósköp er fallegt að gefa upprennandi blaðamönnum líka tækifæri á gloríum. Sérstaklega með því að leyfa þeim að skrifa það efni sem mest er lesið.

Svo ætlar listahátíð að láta ,,risessu'' ganga um borgina og takast á við risa. Í gamla daga hétu þær skessur.

Share




© Allur rettur askilinn heimur.is (Heimur hf)
Heimur hf. Borgartúni 23 105 Reykjavik S. 512 7575 Fax. 561 8646 heimur@heimur.is